Kominn heim í heiðardalinn - asi í skipulagsmálum

Ég er kominn heim í heiðardalinn,
ég er kominn heim með slitna skó,
kominn heim að heilsa mömmu
kominn heim í leit að ró.
Ég er kominn heim til að hlusta á lækinn
sem hjalar við mosató....................................................

Já, svona rétt  til að láta vita af því að við erum komin heim eftir góða ferð til Kanada.  Það er hins vegar lítil ró heima í heiðardalnum á Selfossi því þar ríkir asi í skipulagsmálum þar sem sérhagsmunir eru látnir ráða. Þetta tekur hugann.

Það var ótrúlegt að upplifa það sem fundarboðandi og fundarstjóri á íbúafundi  Miðbæjarfélagsins að  fulltrúar meirihluta bæjarstjórnar skyldu ekki mæta til fundarins og bera fyrir sig óheppilegt fundarboð.  Það vilja allir fá bæjarstjóra á svona fundi en það ber að virða ef fólk er bundið annarstaðar. Vonandi  næst fundur þar sem  hún getur rætt málið við íbúana og svarað spurningum þeirra. 

Þetta rifjaði upp þann vonda bæjarstjórnarfund sem íbúar Mjólkurbúshverfisins hlustuðu á og meirihlutinn samþykkti deiliskipulagið við Austurveg 51 - 59.  Þá var eins og bæjarfulltrúar meirihlutans væru ekki á staðnum, þeir sögðu ekki neitt en horfðu í gaupnir sér.

Það er gott að horfa á veiðifluguna til þess að láta hugann reika á önnur mið, veiðisvæði sumarsins.

 

Athugasemdir

[Eiríkur Harðarson, 27.6.2007 kl. 23:38]

Góður fínt hjá mínum.

[Kári Jóns (IP-tala skráð) 29.6.2007 kl. 23:24]

Er ekki rétt að finna aðferð til að fá fólk til að hlusta... það hlusta allir á það sem þeim finnst hljóma vel, hrós! Spurning; hvað er frábært við það sem er að gerast í skipulagsmálum Mjólkurbúshverfisins?